Neðanjarðarskjálfti?

Jarðskjálftar

Neðanjarðarskjálfti er kannski óþarfar málalengingar.. ég hef að minnsta kosti aldrei heyrt um ofanjarðarskjálfta

En jarðskjálftar á þessu svæði geta orðið ansi djúpt í jörðu, sbr. kortið hér fyrir neðan:

 

 
Kortið sýnir brotlausnir jarðskjálfta (kúlurnar) við Simeulue á Indónesíu. Mism. litir sýna misimunandi dýpt á jarðskjálftum. Hér sést greinlega að það dýpkar á flekamótunum til austurs.

(http://neic.usgs.gov/neis/eq_depot/2008/eq_080220_nran/neic_nran_m.html)

 

Þessi gerð flekamóta, þegar úthafsfleki mætir öðrum fleka (í þessu tilfelli úthafsfleka) gefur af sér kraftmikla jarðskjálfta og oft á tíðum mikla eldvirkni. Jarðskjálftar verða oft feiknar kröftugir og geta átt upptök sín frekar grunnt frá yfirborði (sbr. gulu og appelsínugulu kúlurnar hér að ofan). Á hinum fræga richter skala eru þessir jarðskjálftar oft í kring um 6 -8. Er það mun sterkara en gerist nokkurn tíma hér á landi.

Á Íslandi er eins og margir vita flekaskil, þ.e.a.s. gliðnunarbelti. Við þær aðstæður verða jarðskjálftar mun vægari Brotalausnir þeirra má sjá á myndinni hér fyrir neðan:

 

 Brotlausnir jarðskjálfta við Ísland. Kúlurnar með krossi sýna brotlausnir jarðskjálfta á sniðgengjum, hinar mismunandi brotl. jarðskjálfta á gliðnunarbeltum (http://www.mr.is/~gk/jfr/ordskyr/).

Sterkustu jarðskjálftarnir hér á landi geta orðið allt að 7 á richter skala. Þeir eiga flestir upptök sín á sniðgengjunum (Suðurlandsbrotabeltið og brotabeltin fyrir norðan).

3 létust og 25 særðust í skjálfta í Indónesíu

Athugasemdir

[Guðmundur Alfreðsson, 25.3.2008 kl. 20:31]

ofanjarðskjálfta haha nei hef aldrei heirt um hann en hins vega flott blogg og fróðlegar myndir. Heirðu ég var að horfa á fréttirnar áðan með ömmu og afa ég var s.s. í heimsókn þar og þá kom þessi frétt að einhverjar neðan jarðar eldgos eða e-ð þannig geturu ekki sagt okkur e-ð um þau ??? En ég er bara búinn að vera að fullu að læra eftir að þið fóruð eða kannski er það frekar svona lifa, læra og leika :P:P:P en heirðu við heirumst bara einhvern tíman seinna félagi.